Piginneqatigiilluni inissiat Tuapannguit

Tuapannguit
Tuapannguani inissiaqarfik inissiaqarfiit pisoqaanerit, annertunerit Nuullu qeqqaniinnerusut ilagaat.
Inissiaqarfimmiipput blokkit inissiat sisamat, Q, R, S aamma T. inissiaqarfimmi najugaqartut tamarmiusut qanittunnguamut allaat 250-iusimapput.

Suliassatut pilersaarut nutaaq
Namminersornerullutik Oqartussat aalajangerput Tuapannguani blokkit Q, R aamma S isaterneqassasut tamaanilu inissiat punkthusinik taaneqartartut arfineq-marluk sananeqarlutik. Blok T ungasinngitsukkut nutarterneqarmat taanna inissianik attartortittakkanik inissiaqarfiuinnassaaq. Punkthusit tamarmik piginneqatigiilluni inissiaatileqatigiiffiussapput namminersortut piginneqatigiilluni inissianik 30-nik initaqartut, inissiallu ataatsimik, marlunnik, pingasunik sisamanillu initaqassallutik. Inissiat innarluutilinnut naleqqussagaassapput.

Atuaruk www.tuapannguit.gl