INI suliffeqarfiuvoq nuna tamakkerlugu sullissisuusoq, inissianut tunngatillugu suliassanik neqerooruteqartartoq. Aktiaatileqatigiiffiuvugut, taaguuterpullu tassaavoq A/S Inissiaatileqatigiiffik INI. Namminersorlutik Oqartussat kisimiillutik piginnittuupput.
Direktøri
Kenneth T. Hansen
Tamanna qanga aallartippa?
1. januar 1995-imi
INI-p Namminersorlutik Oqartussat aammalu Kalaallit Nunaanni kommunit amerlanersaat sinnerlugit inissiat attartortittakkat aqutarilerpai. Inissiat attartortittakkat assigiimmik aqunneqarnissaat, kiisalu inissiat tulleriiaarlugit aserfallatsaaliorneqartarnissaat kissaatigineqarmat, taamanikkut Namminersornerullutik Oqartussaasut INI pilersippaat.
INI attartortunut aqutsinermik, ineqarnermut akiliutinik assigiimmik aalajangersaasarnermik, piffissamut naleqquttumik sullinneqarnermik aamma inatsisini atugassarititaasut iluanni najugaqartut oqartussaaqataaneranik ineriartortitsinermik kinguneqartussatut pilersinneqarpoq.
Ataatsikkut sumiiffinni arlalinniippugut
INI-p qullersaqarfia Sisimiuniippoq, kisiannili ingerlatseqatigiiffik Kalaallit Nunaanni kommunit amerlanersaanni allaffeqartiterpoq. Qullersaqarfimmi sulisut 50-it missaanniipput, Kalaallillu Nunaata sinnerani sulisut 190-it missaanniillutik.
Sulerisarpugut?
INI-mi sullissinerit pingaarnerit imatut immikkoortiterneqarsinnaapput:
• Inissianik aqutsineq
• Pisortat inissianut aningaasalersuisarnerat – BSU-mit taarsigassarsiat
• Sanaartornermi teknikkikkut siunnersuisarneq
• Illuutinik sullissineq
Inissianik aqutsineq
INI-p inissiat 10.000-it missaanniittut isumagisarai. Oqaraangatta inissianik aqutsisuulluta ilaatigut suliassanik makkuninnga suliaqarnerput eqqarsaatigisarparput:
• Missingersuusiorneq aamma ineqarnermut akiliutissanik akiliisitsisarneq
• Utaqqisut allattorsimaffiannik aqutsineq
• Missingersuusianik nakkutilliineq ukiumoortumillu naatsorsuusiorneq
• Aserfallatsaaliuinissanik pilersaarusiorneq suliaqarnerlu
• Inissiamut iserternerni inissianiillu aninerni misissuisarneq
• Najugaqartut oqartussaaqataalersinniarlugit najugaqarfinni siulersuisunik tapersersuineq
Illuutinik piginnittut aqutsinermi INI-p suut isumagissanerai INI-mut isumaqatigiissutigisarpaat. Tassami sullissinerput pisariaqartitsineq malillugu naleqqussarsinnaavarput.
Inatsisit Inatsisartunit akuerineqartut malillugit inissianik aqutsisuuvugut. Inissianik attartortitsisarneq pillugu Inatsisartut peqqussutaat kiisalu nalunaarutit tassunga tunngasut malippagut.
Pisortat inissianut aningaasalersuisarnerat – BSU-mit taarsigassarsiat
BSU-mit taarsigassarsiat, illuutillit Namminersornerullutik Oqartussanit taarsigassarsiaasa, namminerisamik illuutinut aningaasalersuinermut atorneqartartut aqunneqarnerat isumagisaraarput.
Sanaartornermi teknikkikkut siunnersuisarneq
INI-p ilaatigut nammineq illulianik iluarsaassinermilu sanaartornermi teknikkikkut siunnersuisarneq isumagisaraa. Suliassat INI-p tamatumunnga isumagisai tassaapput:
• Neqeroortitsinermi najoqqutassanik suliaqarneq
• Sanaartornermi aqutsineq
• Suliassanik nakkutilliineq
• Illuutinik teknikkikkut aningaasaqarnikkullu naliliisarneq
Illuutinik sullissineq
Illuutinik sullissineq tassaavoq najugaqarfinni sulisutta najugaqarfinni ataasiakkaani sullissinerat. Assersuutigalugu tassani eqqiluisaarneq, aputaajaarneq, mikisualunnik iluarsaassineq assigisaallu pineqarput