ISAAVIK saqqummeqqilerpoq - 2.000 kronemik eqquigit
Kalaallit Nunaata ineqarneq pillugu atuagassiaataanut normut tallimassaannut tikilluarit
Ineqarnermut akiliutaasartut aningaasallu najugaqarfittut immikkoortortaqarfinni sumut atorneqartarneri kiisalu inissiani inikitsuni qanoq aaqqissuisinnaanerit tassaapput ISAAVImmi uani saqqummersumi qulequttatut sammineqartut. Taakku saniatigut inissianik paarlaateqatigiittarnerit, utaqqisut allattorsimaffii, Ineqartut Peqatigiiffiisa Kattuffiat aammalu inissiami attartukkami inuussutissarsiorneq ilisimaqarfigilersinnaavatit. Aammattaaq pisortatigoortuunngitsunik rekordeqartut arlaqartut ilisarisimalersinnaavatit aammalu najugaqarfiit 10 illoqarfittaannut eqqortunut attuumatinnerisigut gavekortinnassinnaallutit.
Atuaruk!
Ineqarneq pillugu atuagassiaq ISAAVIK
ISAAVIK tassaavoq inissiani inunnut aamma inuit pillugit atuagassiaq aammalu inissiani INI-mit aqunneqartuni attartortunut aammalu boligstøttemit, nammineerluni aamma sanaqateqarluni illulianik piginnittunut toqqaannartumik saaffinnittoq.
ISAAVIK najugaqartut periarfissarpassuinik imaqarpoq aammalu attartorneq pillugu nalunaarutip aamma attartortitsisarnemut nalunaarutip Namminersornerullutik Oqartussat Kommunillu inissiaataannik attartortittakkanik INIp aqutsissussineranut qanoq tunngaviliinerinik nassuiaatinik imaqarluni. Boligstøttemik, namineerluni aamma sanaqateqarluni illuliornissamut aningaasalersuinermik aaqqissuussinerit pillugit nassuiaatinik ISAAVIK imaqarpoq aammalu najugaqarfittut immikkoortortaqarfinni najugaqartunut ISAAVIK kajumissaarivoq, najugaqarfittut immikkoortortaqarfinni inuunermut akuliusimaaqqullugit sunniuteqaqataallutillu.
Ineqarneq pillugu atuagassiaq ukiumut marloriarluni saqqummersinneqartarpoq taavalu inissiani INI-mit aqunneqartuni najugaqartunut kiisalu boligstøttemit nammineerlunilu illulianik piginnittunut tamanut agguaanneqartarluni. Tamakku saniatigut ISAAVIK aalajangiisartunut sullissisivinnullu siammasissunut nassiunneqartarpoq, periarfissaavorlu INIp saaaffiginnittarfiini aallernissaq aammalu www.ini.gl iserfigalugu atuagassiami allaaserisat ataasiakkaarlugit uani aaneqarsinnaallutik.
ISAAVIIT siulliit uani atuarsinnaavatit