Ineqarnermut akiliinnginnissamik Sisimiuni Qaqortumilu eqquisut

Qaqortoq
Qaqortumi INI 3-400-t missaanni pulaartoqarpoq matut nalunaaqutaq arfineq marlunut ammarneraat matut  nalunaaqutaq qulinut matunissaata tungaanut. 
Ineqarnermut tunngasunik eqquiniaasitsinermi peqataalluarfigineqartumi peqataasut 85-iupput, Namminersorlutik Oqartussat inissiaataanni ineqartut ineqarnermut qaammammik ataatsimik akiliinngitsoornissamik eqquiffigisinnaasaanni.

 

Meeqqanut INI drinkinik 150-iniksodavandinillu 200 agguaassivoq, angajoqqaanullu kaffeqarlunilu kaageeqqanik sallaallertoqarpoq. Inersimasut eqquiniaanermi peqataanerup saniatigut najugaqartut siulersuisui najugaqartut oqartussaaqataanerat pillugu oqaloqateqarsinnaapput.



Eqquiniaanermi peqataasunit 85-init najugaqartut siulersuisuini siulittaasup ajugaasoq makippaa, tassaasoq
Anda Abelsen, B754, 3920 Qaqortoq.



Sisimiut
Sisimiuni INImut pulaartut kaffesortinneqarput, tiitortinneqarput, kaageeqqanik sallaallerfigineqarput naatitartornissaminnillu periarfissinneqarlutik. Meeqqat angajoqqaami qullersaqarfimmi angalaarnerani titartakkanik isiginnaarsinnaapput saftituutigalutik, sukkuarartuutigalutik naatitartuutigalutilluunniit.



Maani Boligstøttemut immikkoortortaqarfik oqaloqatigineqarsinnaavoq pisortat inissianut aningaasalersuisarnerat pillugu aamma ineqarnermut tunngasunik eqquiniaasitsinermi peqataasoqarsinnaavoq.
Pulaartut ineqarneq pillugu eqquiniaasitsinermi akissutit erlernartuutitullusooq ujarsinnaavaat, nivinngakkat atuarluarnerisigut, PowerPointimik isiginnaarnikkut INIllu nittartagaanut isernikkut. Eqquiniaasitsineq iluartilluartoq 116-inik peqataaffigineqarpoq, tassanngalu peqataasut 11-t, apeqqutit 12-t tamaasa eqqortumik akivaat. Apeqqutit akisat utertinneqaraangata apeqqutit qulit sinnerlugillu eqqortumik akineqarsimatillugit sukkulaatinik poortanik tunineqartarput.

 

Pulaartut INIp aqutaani inissiani attartortakkani najugaqanngitsut (BS-imik illuutillit, nammineq illullit, andelsboligillit il. il.) eqquiniaasitsinermi peqataanissaminnut aamma periarfissaqarput. Taakkununnga eqqugassaq tassaasussaagaluarpoq agguaqatigiissillugu qaammammut ineqarmut akiliutaasartoq.



Ataasinngornermi ullaap tungaa eqquisoq makinneqarpoq INIp ilinniartuutaannit marlunnit, eqquisuuvorlu:
Mads Berthelsen, B 734, 3911 Sisimiut.

INIp eqquisut tamaasa pilluaqquai!