Womsimi pissartat

Najugaqarfinnit holdet arlallit imminnut unammipput nungukkiartuaarlutik.
Naggataatigut holdet marluk ajugaasaqattaarnikut unammipput, ajugaappullu najugaqafiik Qapiarfiusaami najugallit Najaaraq Martinsen aamma Margrethe Janussen.
Nr. 2-ngorput Narsarsuarmiut Kistaaraq Flügge aamma Sara Josefsen.

Pokal ingerlaartoq 2010-mi najugaqarfik Qapiarfiusaamit tiguneqarpoq.
- Aappaagu ukiup taamaalinerani unammersuaartoqaqqissaaq, neriuutigaarput Nuussuarmi najugallit peqataanissaat, unamminermik pilersaarusiortoq Uvdlo Hansen oqarpoq.

Pokal ajugaasunik assitalerlugu ineqartut peqatigiiffiat katerisimaartarfianut nivinngarneqassaaq.