Akikinnerusumik sullissineq pitsaanerusoq, tusarnerpallaangajapporluunniit.
Tamanna tassaavoq inissiani attartortittakkani pisortanit pigineqartuni, INI-mit aqunneqartuni attartortut marsip 1. 2010-mit siumullu misigisassaat. Tassami ingerlatseqatigiiffik aalajangerpoq aqutsissussinermut ukiumoortumik akiliutaasartut inissiamut attartortittakkamut ataatsimut maannakkut 4.836 kr.-nit 312 kr.-nik appartinniarlugit, 4.524 kr.-nut.
Attartortunut sanaartukkanillu piginnittunut sullissisarnerup pitsaanerulersinnissaa siunertaralugu aaqqissuussaanerup allanngortinnera INIp septembarip 1. 2009 naammassivaa.
”Suleriaatsit malunnaatilimmik naammassisaqarfiulluarnerulersinnerinut aaqqissuussaanerup allanngortinnera iluatsillugu sulisut atuisimanerat nersualaarutigissallugu nuannaarutigaara, taamaalillugu akikinnerusumik sullissineq pitsaanerusoq tunniunneqarsinnaalersillugu”, Aqutsisutut Pisortaaneq Kenneth T. Hansen oqarpoq.
Ukiuni kingullerni marlunni najugaqarfittut immikkoortortaqarfiit aningaasaataannik aqutsissussinermi ernianit iluanaarutit INIp attartortunut agguataartarpai, taamaaliornikkullu qaammammi ataasiinnarmi ineqarnermut akiliutit 300 kr. missaannik appartittarlugit. Maannakkut tamakkiisumik alloriartoqassaaq, ingerlatseqatigiiffiup aqutsissussinermi akit appartereerniaramigit, taamaaliornikkullu Kalaallit Nunaanni inissianik aqutsissussinermik ingerlatseqatigiiffittut akikinnerpaatut inissisimanini aalajangiusimallugu.